Caktimi i Reading Goals te Books në iPhone

Aplikacioni Books ju ndihmon të gjurmoni se sa minuta lexoni çdo ditë dhe se sa libra e audiolibra mbaroni çdo vit. Mund t'i personalizoni objektivat tuaja për t'i kushtuar më shumë kohë leximit, për të caktuar seri të reja leximi dhe për t'i ndarë arritjet tuaja me shoqërinë.

Seksioni Reading Goals te Reading Now. Matësi i leximit tregon se janë kryer 10 minuta nga një objekti 20-minutësh. Nën matës ndodhet një buton Keep Reading dhe rrathë që tregojnë ditët e javës, nga e diela deri të shtunën, ndërsa konturet e kaltra përreth rrathëve tregojnë ecurinë e leximit për atë ditë. Në fund të faqes ndodhen kopertinat e Books Read This Year.

Ndryshimi i objektivit tuaj ditor të leximit

Objektivin tuaj ditor të leximit mund ta ndryshoni sipas minutave që dëshironi t'i kushtoni leximit çdo ditë. Nëse nuk e personalizoni objektivin tuaj ditor të leximit, ai caktohet në pesë minuta në ditë.

Prekni Reading Now, pastaj rrëshqisni poshtë te Reading Goals.
Prekni Today’s Reading, pastaj prekni Adjust Goal.
Rrëshqiteni matësin lart ose poshtë për të caktuar minutat në ditë që dëshironi të lexoni, pastaj prekni Done.

Kur arrini objektivin tuaj ditor të leximit, merrni një njoftim nga Books; prekeni për të marrë më shumë hollësi mbi arritjen tuaj ose dërgojani arritjen shoqërisë.

Për t'u siguruar që të merrni një njoftim kur të arrini objektivin e përditshëm të leximit, shkoni te Settings > Notifications > Books dhe më pas aktivizoni Allow Notifications.

Shënim: Për t'i numëruar PDF-të në lidhje me objektivin tuaj të leximit, shkoni te Settings > Books dhe më pas aktivizoni Include PDFs.

Ndryshimi i objektivit tuaj vjetor të leximit

Pasi të mbaroni leximin e një libri apo audiolibri te Books, koleksioni Books Read This Year shfaqet poshtë Reading Goals. Objektivi standard vjetor i leximit është tri libra në vit, por objektivin mund ta rrisni apo zvogëloni në varësi të numrit të librave që dëshironi të mbaroni.

Prekni Reading Now, pastaj rrëshqisni poshtë te Books Read This Year.
Prekni një katror bosh ose një kopertinë libri, pastaj prekni Adjust Goal.
Rrëshqiteni matësin lart ose poshtë për të caktuar vitet që dëshironi të lexoni në vit, pastaj prekni Done.

Kur arrini objektivin tuaj vjetor të leximit, merrni një njoftim nga Books; prekeni për të marrë më shumë hollësi mbi arritjen tuaj ose dërgojani arritjen shoqërisë.

Shikimi i serive dhe rekordeve tuaja të leximit

Books ju mundëson të shihni se sa ditë radhazi e keni arritur objektivin tuaj ditor të leximit dhe ju njofton kur arrini një rekord.

Për të shfaqur serinë dhe rekordin tuaj aktual të leximit, prekni Reading Now, pastaj rrëshqisni poshtë te Reading Goals.

Aktivizimi i udhëzimeve

Mund të aktivizoni udhëzimet për të marrë nxitje dhe shtytje për t'ju ndihmuar të arrini objektivat tuaj të leximit.

Prekni Reading Now dhe më pas prekni llogarinë tuaj në këndin lart djathtas.
Prekni Notifications dhe më pas aktivizoni Coaching.

Çaktivizimi i njoftimeve të objektivave të leximit

Mund ta ndaloni marrjen e njoftimeve kur arrini një objektiv të leximit ose caktoni një seri leximesh.

Prekni Reading Now dhe më pas prekni llogarinë tuaj në këndin lart djathtas.
Prekni Notifications dhe më pas çaktivizoni Goal Completion.

Çaktivizimi i objektivave të leximit

Shkoni te Settings > Books, pastaj çaktivizoni Reading Goals.

Kur Reading Goals është joaktive, treguesit e leximit te Reading Now janë të fshehur dhe nuk merrni njoftime për leximin.

Pastrimi i të dhënave të leximit

Për të pastruar të dhënat tuaja të leximit, si p.sh. kohën e leximit dhe serinë e leximeve, shkoni te Settings > Books dhe më pas prekni Clear Reading Goals Data.

I dobishëm?

Udhëzuesi i përdorimit të iPhone